Аманқарағай ауылында жұбайы мен ұлын өлтірді деп айыпталған Максим Нечаев сотта жауап берді, – деп хабарлайды «Dalamedia» ақпараттық порталы. Бұл туралы Tobolinfo.kz сайты мәлімдеді.

Еске сала кетейік, қайғылы оқиға өткен жылдың 29 қыркүйегінде болған. 51 жастағы ер адам жұбайы мен 16 жастағы ұлын пышақтаған. Олардың денесін қызы тауып, полицияға хабарлаған.

Сот барысында айыпталушы оқиға алдында жанжал жиілегенін айтты. Олар тіпті ажыраспақ болған. Жұбайымен ашық сөйлесейін дегенде бәрі бақылаудан шыққан. «Не істеп жатқанымды толық түсінбедім, бәрі бір сәтте болды», – деді ол.

Сондай-ақ айыпталушы кінәсін ішінара мойындайтынын жеткізді. Қазір іс сотта қаралуда. Шешім әлі шығарылған жоқ.