Демалысыңыз азаюы ықтимал. Бұл 15 наурызда өтетін референдумда жаңа Конституция қабылданған жағдайда жүзеге асады, – деп хабарлайды «Dalamedia» ақпараттық порталы Tengrinews.kz сайтына сілтеп.

15 наурызда өтетін дауыс беру нәтижесінде жаңа Конституция халық қолдауына ие болса, Конституция күні дәл сол күні аталып өтілуі мүмкін. Ал қазір аталмыш мереке күні – 30 тамыз және ол ресми демалыс күні.

Қазақстан Республикасының Еңбек және халықты әлеуметтік қорғау министрлігі өкілдерінің айтуынша, заңға өзгеріс енгізілгенге дейін 30 тамыз демалыс күні болып қала береді.

Алайда жаңа Конституция 2026 жылдың 1 шілдесінен бастап күшіне енсе және мереке күні ресми түрде өзгертілсе, 30 тамыз мемлекеттік мереке мәртебесінен айырылады.

Айта кетейік, 2026 жылы қазақстандықтарды 119 демалыс күні күтіп тұр. Егер өзгерістер қабылданса, олардың саны бір күнге қысқаруы мүмкін.