Әлеуметтік желіде Жетісу облысында ағаштардың жаппай оталып жатқаны таспаланған бейнежазбалар тарады. Бұл туралы талдықорғандық және Көксу, Ақсу аудандарының тұрғындары ақпарат таратып, алаңдаушылық білдірді, – деп хабарлайды «DalaMedia» ақпараттық порталы.

Талдықорған қаласында жекеменшік аумақтарда заңсыз ағаш отағандар анықталған. Қала әкімшілігі кінәлілерге еш рұқсат берілмегенін, олардың әкімшілік жауапкершілікке тартылғанын хабарлады.

Ал Ақсу және Көксу аудандарында суару жүйелерін жаңартып, каналдарды тазарту мақсатында ағаш кесу жұмыстары жүргізілген. Сондай-ақ осы арқылы егістік алқаптарды сумен қамтуға да сеп болмақ. Әкімдік өкілдерінің айтуынша, бұл жұмыстар толықтай заң аясында атқарылуда. Алдағы уақытта кесілген ағаштардың орнына көшеттер отырғызылмақ.