Оперативтік мәліметтер бойынша, топ мүшелерінің бірі орман қорындағы учаскені өңдеуге аукцион арқылы алған рұқсатын заңсыз ағаш кесуге мүмкіндік ретінде пайдаланған. Тергеу барысында күдіктілердің “қарағай” тұқымды ағаштарды дайындап, заңсыз сатқаны анықталды.
«Тергеу әрекеттері аясында арнайы техника, көлік құралдары, дайындалған ағаш, сондай-ақ шикізат айналымы мен оны кесуге қатысты құжаттар тәркіленді», – деп хабарлады Қостанай облысының ПД өкілдері.
Ведомство дерегінше, полицияға 20 күдікті жеткізілген. Олардың арасында болжамды ұйымдастырушылар, орындаушылар және делдалдар бар.
Куәгерлерден жауап алынып, заңсыз сызбаның бар екенін растайтын дәлелдер жиналды. Аталған факті бойынша сотқа дейінгі тергеу жүргізіліп жатыр. Сараптамалар тағайындалды, кесілген ағаштың нақты көлемі мен мемлекетке келтірілген шығын мөлшері анықталуда», – деп мәлімдеді полиция.
DALAMEDIA admin
5
0