Шымкентте киберполиция интернет-алаяқтарды қазақстандық SIM-карталармен қамтамасыз етіп келген жасырын арнаны анықтады. Бұл туралы құқық қорғау органдары мәлімдеді, – деп хабарлайды “Dalamedia” ақпараттық порталы.
Тергеу барысында мыңдаған абоненттік нөмірдің үшінші тұлғалардың атына рәсімделгені анықталды. Аталған нөмірлер алаяқтық қоңыраулар жасауға және мессенджерлер арқылы қылмыстық схемаларда пайдаланылған.
Жедел іс-шаралар нәтижесінде 3 мыңнан астам SIM-карта тәркіленді. Қазіргі уақытта заңсыз әрекеттерге қатысы бар тұлғаларды анықтау жұмыстары жалғасуда.
Құқық қорғау органдары азаматтарды жеке деректерін бөгде адамдарға бермеуге және күмәнді қоңырауларға сақтықпен қарауға шақырады.
DALAMEDIA admin
Бүгін, 16:30
Қоғам