Танымал әнші Рүстем Жүгінісов жеке өміріне қатысты сынға жауап берді. Threads желісінде Альбина есімді қолданушы Instagram парақшасынан скриншоттар жүктеп, «Рүстем Жүгінісовтің екінші тоқалының жазбалары» деп жариялаған.

23 жастамын деген қолданушы өзін әншінің екінші жары ретінде таныстырып, қазір «күйеуімен» бірге тұратынын айтқан. Некедегі қиындықтар мен ажырасу қаупін де тілге тиек еткен. Келіншек әншінің үш әйелі бар екенін ашық жазған. Үш әйелдің арасындағы қатынасты, теңдікті сақтаудың мүмкін еместігін, қызғаныш сезімін атап өткен.

Желі қолданушылары бұл жазбаларға өз пікірлерін білдіріп, әншіні сынға алды: «Дін деп екінші, үшінші әйел алу – бұл сенім емес, бұл нәпсі». «Әлі де таңғаламын. Қандай керемет әнші еді…». «Мұндай үшін қамау керек қой. Елде көпәйелдікке тыйым салынған».

Осы жағдайға қатысты Рүстем Жүгінісовтің өзі де пікір білдірді: «Әйелдерімді санамай, аңдымай, сөз қылмай жүріңіздерші. Қанша қатын алсам да – өзім білемін».

Айта кетейік, бұған дейін әнші шоқынуға қатысты сынның астында қалған еді.