Әйгілі спортшы Шавкат Рахмоновтың жұбайы Гүлайым Рахмоноваға қатысты іс енді сотта қаралады. Жамбыл облысының қылмыстық істер жөніндегі мамандандырылған ауданаралық соты қылмыстық істі өндіріске қабылдады.
Алдын ала тыңдау 16 ақпан күні сағат 15:00-де өтеді. Сотта іс Қылмыстық кодекстің 345-бабы 4-бөлігі бойынша қаралады.
Еске сала кетейік, жол-көлік оқиғасы 2025 жылдың 27 шілдесінде таңғы сағат 08:50 шамасында Алматы *- Екатеринбург республикалық тасжолының 299-шақырымында болған. Toyota Land Cruiser 200 көлігінің жүргізушісі Қарағанды облысынан Алматыға бағыт алған сәтте рөлге ие бола алмай, апатқа ұшыраған. Оқиға салдарынан екі адам қаза тауып, тағы екі адам ауруханаға жеткізілді.
Бұған дейін Гүлайым Рахмонова мен оның ұлы медициналық мекемеден шығарылған еді. Енді іс сотта қаралады.
DALAMEDIA admin
Бүгін, 16:30
Қоғам