2024 жылдың мамырынан 2025 жылдың наурызына дейін интернет арқылы адамдарды алдап-арбаған топ құрықталды. Жетісу облысы прокуратурасының дерегінше, 9 адам бас бостандығынан айырылған.

Қылмыстық топ әлеуметтік желілер арқылы адамдармен танысып, үйлеріне шақырған. Азаматтардың сеніміне кірген алаяқтар кейін «полицияға арызданамыз» деп қорқытып, бопсалап ақша талап еткен. Қылмыстық схема әшкереленген соң күдіктілер ұсталып, іс сотқа жолданды.

2026 жылғы 30 қаңтарда Талдықорған қалалық соты оларды Қылмыстық кодекстің 194-бабы 2-бөлігінің 1), 2) және 3) тармақтары бойынша кінәлі деп танып, әртүрлі мерзімге жаза тағайындады.

Үкім әзірге заңды күшіне енген жоқ.