Қазақстанда адам саудасына және азаматтарды қанауға қатысты бірқатар ауыр қылмыстар анықталды. Бұл туралы Ішкі істер министрлігі хабарлады.
Ведомство мәліметінше, жыл басынан бері әлеуметтік осал топтарды, оның ішінде кәмелетке толмағандарды қамтыған адам саудасына қатысты 39 дерек тіркелген, оның алтауы балаларға қатысты.
Жаңа туған сәбилерді сату схемасы
Алматы қаласында жаңа туған балаларды сату схемасын ұйымдастырған қылмыстық топ ұсталды. Қазіргі таңда бұл бағытта 20-дан астам қылмыстық іс тергеліп жатыр.
Мәжбүрлі еңбек фактілері
Абай облысында азаматтарды мәжбүрлі еңбекке жеккендерге қатысты 11 қылмыстық іс қозғалды.
Аймақтардағы қанау деректері
Шымкент қаласында, сондай-ақ Ақтөбе, Жамбыл, Батыс Қазақстан, Қарағанды және Қостанай облыстарында азаматтарды, соның ішінде кәмелетке толмағандарды қанау фактілері анықталды.
Сексуалдық қанау және заңсыз топтар
Астанада вокзал маңында жүргізілген рейдтер барысында сексуалдық мақсаттағы притондарды ұйымдастырған сегіз адамға қатысты қылмыстық іс қозғалды.
Ақмола облысында еркін жыныстық қатынасты насихаттаған діни топтың әрекеті тоқтатылды.
Бұған дейін Астана, Алматы және Шымкент қалаларында «элиталы эскорт» қызметін ұйымдастырған тұлғалар да әшкереленген.
ІІМ адам саудасына және азаматтарды қанауға қарсы күрес жалғасатынын атап өтті.
DALAMEDIA admin
2
0