Алматыда жаңа туған сәбилерді сату схемасымен айналысқан топтың әрекеті тоқтатылды. Қазір 20-дан астам қылмыстық іс тергеліп жатыр. Күдіктілерге 18 жылға дейін бас бостандығынан айыру жазасы қарастырылған.

Абай облысында мәжбүрлі еңбекке қатысты 11 қылмыстық іс қозғалды. Бірқатар өңірлерде түнгі ойын-сауық орындарын тексеру кезінде азаматтарды түрлі қанау түрлеріне тарту фактілері анықталды.

Астанада теміржол вокзалы маңындағы рейдтерден кейін сегіз адам притон ұстағаны үшін жауапкершілікке тартылды.

Ақмола облысында антиәлеуметтік тәжірибелерді насихаттаған діни топтың қызметі тоқтатылды. Мамандар қажетті сараптамаларды жүргізіп жатыр.

Бұған дейін Астана, Алматы және Шымкент қалаларында «элиталық эскорт» қызметін ұйымдастырған тұлғалардың әрекеті құжатталған. Қылмыстық істер сотқа жолданды.

Ведомство азаматтарды қанау фактілерінің алдын алуға бағытталған профилактикалық жұмысты жалғастыратынын мәлімдеді.