Бүгін тараздық оқушылар онлайн оқиды. Бұл туралы қалалық білім бөлімі хабарлады.

Синоптиктердің сөзіне сенсек, соңғы екі тәулікте қалаға 70 сантиметрге жуық қар жауған. Оқушылардың қауіпсіздігін қамтамасыз ету үшін Тараз қаласындағы барлық мектептер қашықтан оқыту тәртібіне көшті.

Қалалық білім бөлімі мамандарының хабарлауынша, бірінші және екінші ауысымда оқитын оқушылар үшін сабақтар онлайн форматта ұйымдастырылады.

Қазір коммуналдық қызметтер көшелерді қардан тазалап, жолдарға мұзға қарсы арнайы қоспалар сеуіп жатыр.