Барша мұсылман жұрты асыға күтетін қасиетті Рамазан айы биыл 19 ақпанда басталады. Араға 23 жыл уақыт салып, Ораза ақпан айымен тұспа-тұс келді.

Арнаулы кестесіне сәйкес, Қадір түні 16-нан 17-не қараған түнге сәйкес келеді. Ал айт наурыздың 20-сы басталып, 3 күнге созылады. Құрбан айт 27-29 мамыр күндері өтеді. Діни басқарма таратқан деректерге сәйкес осы жылғы пітір садақа мөлшері 735 теңге болып бекітілді.

Рамазан айы - бұл Құран айы, Рамазан айы — жомарттық айы. Рамазан айы — жетімнің басын сипап, жесірді жарылқайтын ай. Сондықтан да біз бұл айға негізгі жоспармен кіруіміз керек. «Рамазан айы не нәрсемен ерекше? Рамазан айында жақсылықты көп жасаған пенде басқа айларда да жақсылықты көп жасауға өзін неғылады, өзін баулиды, өзін дәріптейді, өзін сол нәрсеге әдеттейді», – дейді дін өкілдері.

Дегенмен Оразада ауыз бекіту жалпыға бірдей міндет емес. Егер денсаулығыңыз жарамаса, Рамазан айында фидия берсеңіз де жеткілікті.

Бұл айда шынайы ниет пен сеніміңіз нақтыланады. Оразада жасалған ізгі істер өзара түсіністік пен келісімге бастайды. Адамдарды ортақ мақсат-мүддеге жетелейді. Рамазан айының рақым айы болуының сыры да осында жатыр.