Канадада Британдық Колумбия провинциясындағы Тумблер-Ридж елді мекенінде атыс болып, салдарынан 10 адам көз жұмды. Тағы 25 адам жарақат алды, – деп хабарлайды «Dalamedia» ақпараттық порталы cbc.ca сайтына сілтеме жасап.

Жергілікті полиция өкілдерінің айтуынша, Tumbler Ridge Secondary School ғимаратының ішінен 6 адамның денесі табылған. Бір адам ауруханаға барар жолда мерт болған. Сондай-ақ өзге бір тұрғын үйден екі адамның мәйіті табылған.

Оқиға орын алған мектептің 12-сынып оқушысы атыс кезінде сыныптастарымен бірге екі сағаттан астам уақыт бойы есігі бекітулі сыныпта отырған. Олардың айтуынша, көрініс кинодан көретін кадрларға ұқсас болған.

Құқық қорғау органы өкілдері күдікті тұлғаның өлі денесін мектеп ішінен тапқандарын жеткізді. Мамандардың болжамынша, ол өз-өзіне қол жұмсаған.

Полиция қызметкерлері шабуыл жасаған азаматтың кім екені жақын арада анықталатынын хабарлады.