Заңсыз интернет-казино ұйымдастырған қылмыстық топ құрықталды. Алматы облыстық ҚМА департаменті тергеу жүргізуде.

1Win интернет-платформасы 11 мыңнан астам онлайн ойынға және спорттық, киберспорттық оқиғаларға бәс тігуге мүмкіндік берген. Бәс қабылдау және ұтыстарды төлеу банк карталары мен электронды төлем жүйелері, криптовалюта арқылы жүзеге асқан.

Тексеру барысында кей компаниялар жалған тұлғалардың атына тіркеліп әрекет еткен.

Сондай-ақ, күдіктілердің қылмыстық жолмен алынған мүлкін мемлекетке қайтару және тәркілеу шаралары қолданылған. Оның ішінде: Mercedes-Maybach S500, Lamborghini Huracan, Toyota Land Cruiser автокөліктері, сондай-ақ банк шоттарындағы 151 млн теңге, 14 600 АҚШ доллары және 44 400 еуро бар.

Сот қаулысымен жалпы құны 420 млн теңгеден асатын мүлік мемлекет кірісіне тәркіленді. Күдіктілер халықаралық іздеуге жарияланған.