Жамбыл облысында ірі кәсіпорындардың бірі салық төлеуден жалтарған. Атап айтсақ, құзыретті орган өкілдері пайдалы қазбаларды өндіруге маманданған мекеменің салық міндеттемелерінің төмендегенін байқаған. Компания салықтық шегерім деген желеумен бағалы қағаз төлемдерін негізсіз ұлғайтқан.

Тексеру барысында кәсіпорынның жылдық табысы шығарылған облигациялардың құнынан төмен екені де анықталды. Мамандар бұл корпоративтік табыс салығын төлеуден жалтару деп санайды.

Өңірлік прокуратураның ұсынысы аясында салықтық тексеріс жүргізіліп, бұзушылықтар расталған. Нәтижесінде бюджетке 1,1 млрд теңге қаржы өндірілген.