Қазақстан Республикасы Еңбек және халықты әлеуметтік қорғау министрі «Коучинг қызметі (коуч)» кәсіби стандартын бекітті,-деп хабарлайды «Dalamedia» ақпараттық порталы PRG ZANGER сайтына сілтеп.

Аталмыш бұйрық Қазақстан Республикасының «Кәсіби біліктіліктер туралы» Заңына сәйкес әзірленіп, коучтер қызметінің кәсіби жүйеленуін, олардың біліктілігін мойындау және қызмет сапасының стандарттарын енгізуді көздейді. Стандарт бизнес, білім беру, денсаулық сақтау, әлеуметтік сала, мемлекеттік басқару және жеке тұлғаның дамуы салаларында қолданылады.

Кәсіби стандарт қызмет көрсететін ұйымдар, коучтарды дайындайтын оқу мекемелері, кәсіби қауымдастықтар, жұмыс берушілер, клиенттер және коучинг сапасын сертификаттау мен аккредиттеу органдары үшін маңызды болмақ.

Стандартта коучинг – клиенттің ойлау қабілетін, санасын және әлеуетін дамытуға бағытталған кәсіби серіктестік ретінде сипатталған. Коуч қызметі этикаға, кәсіби біліктілікке және халықаралық қауымдастықтарда мойындалған сапа стандарттарына негізделеді.

Министрлік бұйрықты ресми жариялап, нормативтік-құқықтық актілердің эталондық банкінде орналастыруға міндетті. Бұйрық ресми жарияланғаннан кейін он күннен соң қолданысқа енгізіледі.