ҚМА Астана қаласы бойынша департаменті блогерлер Ерболат Жанабылов пен Эльмира Толегеноваға қатысты сотқа дейінгі тергеуді аяқтады. Оларға заңсыз кәсіпкерлік және қылмыстық жолмен алынған ақша қаражатын заңдастыру фактілері бойынша іс қозғалған.

Тергеу деректерінше, Instagram-дағы 15 миллионнан астам жазылушысы бар ерлі-зайыптылар өз аудиториясының сенімін пайдаланып, 2025 жылы онлайн-курстарды сату арқылы заңсыз схема ұйымдастырған. Алайда бұл курстар сатып алушыларға тек қана қымбат сыйлық ұтысына қатысу мүмкіндігін ғана ұсынған.

Бейнематериалдардың көп бөлігі ашық дереккөздерден, оның ішінде YouTube-тан алынған. Курстардың нақты білім беру құндылығы болмаған, олар тек заңсыз лотерея қызметін жасыру үшін пайдаланылған. Жүлде қоры жеке қаражаттан емес, қатысушылардың онлайн-курстарға төлеген ақшасынан қалыптастырылғаны мәлім болды.