«Жолаушылар тасымалы» АҚ 60 жастан асқан жолаушылар үшін жаңа жеңілдік бағдарламасын іске қосты. Енді Қазақстан аумағында пойызбен сапарлайтын зейнеткерлерге теміржол билеттеріне 25 пайыздық жеңілдік ұсынылады.

Жеңілдікті алу үшін Ұлттық тасымалдаушының барлық пойыздарында жарамды QURMET дисконттық картасын рәсімдеу қажет. Аталған карта купе, плацкарт және отыратын вагондарда орын санына шектеусіз билет сатып алуға мүмкіндік береді.

Бағдарлама зейнеткерлердің ел ішінде қатынауын жеңілдетіп, теміржол көлігіне қолжетімділікті арттыруды көздейді.