Қазақстанда спутниктік интернет қызметін дамыту бағытында жаңа жобалар іске асырылмақ. Қазіргі уақытта ел аумағында спутниктік интернет ұсынатын үш оператор жұмыс істеп тұр. Жақын арада нарыққа тағы екі шетелдік компанияның кіруі жоспарланып отыр. Оларға қатысты пилоттық сынақтар биыл өткізілмек.
Жасанды интеллект және цифрлық даму министрі Жаслан Мадиевтің мәлімдеуінше, жаңа спутниктік операторлардың келуі пойыздар мен әуе рейстерінде интернетке қол жеткізуге мүмкіндік береді. Сонымен қатар, бұл бастама байланыс жоқ немесе қолжетімділігі қиын аумақтарды интернетпен қамтуға жол ашады.
Министрдің айтуынша, туристік аймақтар мен шалғай локацияларды спутниктік интернетпен қамтамасыз ету үшін жергілікті атқарушы органдар жергілікті бюджет қаражаты есебінен тиісті шаралар қабылдауы қажет.
DALAMEDIA admin
8
0