Қырғызстанның Жалал-Абад облысында кәмелетке толмаған оқушы террористік сипаттағы ақпарат таратты деген күдікпен ұсталды.
Құқық қорғау органдары хабарлағандай, 8-сынып оқушысы әлеуметтік желіде жасырын парақша арқылы балабақшалар мен мектептерде террористік актілер жасалатыны туралы жазбалар жариялаған.
Жедел-іздестіру іс-шаралары барысында аталған жазбалардың авторы анықталып, оның кәмелетке толмаған оқушы екені белгілі болды. Күдікті ұсталып, қажетті тексеру жұмыстары жүргізілуде.
Оқиға Жалал-Абад облысы, Тоғыз-Торо ауданы, Казарман ауылы аумағында тіркелген.
Құқық қорғау органдары оқиғаның барлық мән-жайын анықтап жатыр. Террористік сипаттағы жалған ақпарат таратудың заң алдында жауапкершілікке әкеп соғатыны ескертілді.
Санаттар
DALAMEDIA admin
