Алматы облысында былтыр қазан айынан бері 16 жастағы студент із-түзсіз жоғалып кеткен. Жасөспірім туралы ақпаратты LIDER.KZ еріктілері Instagram парақшасында жариялады, деп хабарлайды «Dalamedia» ақпараттық порталы.

Іздестіріліп жатқан жасөспірім — Щербинин Денис Валерьевич, 2009 жылғы 13 желтоқсанда туған. Ол 2025 жылғы 2 қазанда шамамен сағат 15:00-де Еңбекшіқазақ ауданына қарасты Қаракемер ауылындағы Орымбетова көшесі, 85-үй мекенжайында орналасқан кәсіптік колледжден шығып, қайта оралмаған.

Белгілеріне тоқталсақ, бойы 170–175 сантиметр шамасында, арықша денелі, шашы қара. Жоғалған кезде үстінде қара-көк түсті күртеше, сұр түсті қалың жейде және қара шалбар болған.

Қазіргі уақытта жасөспірімді іздеу жұмыстары жалғасып жатыр. Көрген немесе қандай да бір мәліметке ие азаматтардан LIDER.KZ еріктілеріне немесе құқық қорғау органдарына хабар беру сұралады.