Павлодар қаласында №45 түзеу мекемесін басқарған бұрынғы басшыға қатысты сот үкімі шықты. Ол қызмет бабын асыра пайдаланғаны және мемлекеттік құпияға жататын мәліметтерді жария еткені үшін кінәлі деп танылды.

Сот материалдарына сәйкес, экс-басшы жеке пайдасы үшін кейбір сотталғандарға жазасын өтеу барысында жеңілдіктер жасап, ерекше жағдайлар ұсынған. Сонымен қатар, қызметтік ақпаратты заңсыз таратқаны анықталған.

Сот шешімімен айыпталушы 6 жыл 6 ай мерзімге бас бостандығынан айырылды. Бұдан бөлек, ол өмір бойына мемлекеттік қызметте лауазым атқару құқығынан айырылып, подполковник арнаулы атағынан да айырылды.