Президент Қасым-Жомарт Тоқаев «Turkistan» газетіне берген сұқбатында Нұрсұлтан Назарбаев пен Ресей президенті Владимир Путиннің кездесуі туралы пікірін айтты.
Мемлекет басшысының сөзінше, мұндай кездесулер тұрақты түрде өтіп тұрады және бейресми сипатқа ие.
— Жуырда Санкт-Петербургте өткен басқосуда Владимир Путин маған Нұрсұлтан Назарбаевты оның жеке өтініші бойынша қабылдайтынын айтты. Мұны Ресей президентінің өзі де ашық атап өтті, — деді Тоқаев.
Президент Путиннің қарым-қатынаста ашық әрі адамгершілігі жоғары тұлға екенін атап өтті. Айтуынша, жұмыс кестесінің тығыздығына қарамастан, Ресей басшысы сенбі күні Қазақстанның Тұңғыш президентімен асықпай әңгімелесуге уақыт бөлген.
— Владимир Путин Нұрсұлтан Назарбаевты Еуразиядағы ықпалдастық үдерісінің бастауында тұрған тәжірибелі саясаткер ретінде бағалайды. Ресей бұл бағытта жетекші рөл атқарып отыр. Кремльде өткен кездесу Путиннің адамгершілік қырын айқын көрсетті, — деді мемлекет басшысы.
Сонымен қатар Қасым-Жомарт Тоқаев мұндай кездесулер барысында қандай әңгіме айтылғанына қызықпайтынын да жасырмады.
— Ондай әңгімелерде не айтылғаны маған қызық емес. Мен бұл туралы ешқашан сұрақ қоймаймын, — деп түйіндеді президент.
DALAMEDIA admin
15
0