2025 жылдың 11 айында Қазақстанда жедел медициналық жәрдем қызметі 7,4 миллионнан астам шақыртуға қызмет көрсетті. Бұл туралы Денсаулық сақтау министрлігі мәлімдеді.

Шақыртулардың 1,37 миллионы емханалар жанындағы мобильді бригадаларға тиесілі. Ең көп өтініш Алматы қаласында, Түркістан облысында және Астанада тіркелген.

Негізгі шақыртулар тыныс алу және жүрек-қан тамырлары ауруларына байланысты болған. Сонымен қатар жол-көлік оқиғаларына қатысты 40 мыңнан астам шақырту түскен.

ДСМ дерегінше, шұғыл шақыртуларды бригадаға беру уақыты орта есеппен 1,7 минут, ал оқиға орнына жету уақыты 8–9 минут аралығында. Қазір ел бойынша бір ауысымда 1 618 жедел жәрдем бригадасы қызмет атқарады.