Елордада көктайғақ салдарынан бірнеше жол-көлік оқиғасы тіркелді. Олардың үшеуі қоғамдық көліктерге қатысты.

Полиция қызметкерлерінің айтуынша, Iveco маркалы автобустың жүргізушісі Хусейн бен Талал көшесімен қозғалып келе жатып, тайғақ жолда рөлге ие бола алмай, Renault Sandero жеңіл көлігімен соқтығысқан.

Сондай-ақ осы аумақта екі автобус қатысқан тағы бір жол апаты болған. Құқық қорғау органдарының хабарлауынша, екі жағдайда да зардап шеккендер жоқ.

Полиция мамандары жүргізушілерге ауа райының қолайсыздығын ескеріп, жылдамдықты асырмауға, арақашықтықты сақтауға және жол қозғалысы ережелерін қатаң ұстануға шақырды.