Астана. DALAMEDIA – Қазақстанда 2025 жылдың қаңтар-қараша айларында машина жасау саласындағы өндіріс көлемі 11,6%-ға артты. Бұл туралы Үкімет отырысында Өнеркәсіп және құрылыс вице-министрі Олжас Сапарбеков хабарлады.

Өсу көлік құралдары, ауыл шаруашылығы мен теміржол техникасы, жабдықтар мен тұрмыстық техника өндірісінің ұлғаюынан қамтамасыз етілді. Көрсеткіштердің артуы ішкі сұраныстың өсуі, инвестициялық жобалардың іске асуы және мемлекеттік қолдау шараларымен байланысты.

Сонымен қатар салада жаңа өндірістік нысандар іске қосылды: Қостанайда KIA жеңіл автокөліктер зауыты, Алматыда мультибрендті автозауыт, Астанада «Штадлер Қазақстан» жолаушылар вагондары зауыты, Атырауда жүк вагондарын шығаратын зауыт жұмысын бастады.