Жапония астанасы Токио Қазақстан Республикасының Президенті Қасым-Жомарт Тоқаевтың ресми сапарына орай Қазақстан мен Жапонияның мемлекеттік туларымен безендірілді, – деп хабарлайды dalamedia.kz ақпарат агенттігі.
Мемлекет басшысы 18–20 желтоқсан күндері Жапонияға ресми сапармен барады. Сапар аясында Қасым-Жомарт Тоқаевтың Жапония Императоры Нарухитомен, Премьер-министр Санаэ Такаичимен, сондай-ақ жапондық іскер топ өкілдерімен кездесулері жоспарланған.
Сонымен қатар Қазақстан Президенті «Орталық Азия – Жапония» саммитінің жұмысына қатысады.
Айта кетейік, бұған дейін тамыз айының соңында Қасым-Жомарт Тоқаев Астанада Жапонияның Сыртқы істер министрін қабылдаған болатын.