Қазақстан билігі жаңа өзгеріс ұсынды: егер әлеуметтік желі немесе басқа онлайн-платформа уәкілетті органның талабын орындамаса, оны елімізде уақытша бұғаттай алады.

Бұл норма жаңа заң жобасында жазылған. Құжатты Мәдениет және ақпарат министрлігі дайындап, «Ашық НҚА» порталына жариялады.

Қазір платформаларға қойылатын талаптарды орындауды міндеттейтін нақты ереже жоқ. Сондықтан жаңа өзгеріс енгізілсе, талапты орындамаған кез келген әлеуметтік желіге немесе мессенджерге кіруді шектеуге мүмкіндік туады.

Сонымен қатар, министрлікке онлайн-платформаларды бақылау және қажет жағдайда бұғаттау ережелерін бекіту құқығы беріледі.