Жамбыл облыстық сотының мәліметінше, екі медицина қызметкері үш жыл инъекциялық терапия саласында жұмыс істеу құқығынан айырылды. Әрқайсысы 5 млн теңге моральдық шығын, сондай-ақ 1,7 млн теңге материалдық өтемақы төлейді.

Тергеу дерегінде дәрігердің процедуралық кабинет ашуға лицензиясы болмағаны, ал медбикенің кәсіби міндеттерін дұрыс атқармағаны анықталған. Пациентке екпе салғаннан кейін анафилактикалық шок болып, оны құтқару мүмкін болмаған.

Дәрігер екі жарым жыл, медбике бір жыл бостандығын шектеу жазасына кесілді. Медбике амнистиямен жазадан босатылды.

Марқұмның жесірі Мөлдір Мекемтас үкіммен келіспей, сот шешімін қайта қаратуға бекініп отыр.