ІІМ дерегінше, 2021 жылдың желтоқсанынан 2022 жылдың маусымына дейін Астанадағы зергерлік дүкендердің бірінде сатушы болған әйел әшекей бұйымдарын жасырын ұрлап, жалпы сомасы 156 миллион теңгеден асатын шығын келтірген. Оқиғадан кейін ол бірден бой тасалап, бірнеше жыл бойы шетелде жасырынып келген.

Күдіктіге халықаралық іздеу жарияланған. Интерполдың Қазақстандағы ұлттық орталық бюросы жіберген сұрау нәтижесінде әйел Стамбулдан анықталып, жергілікті полицияның көмегімен ұсталды. Ол ҚР Қылмыстық кодексінің 188-бабы 4-бөлігі бойынша (“Кража”) айыпталып отыр.

27 қараша күні 33 жастағы қазақстандық азаматша Түркиядан экстрадицияланып, елге жеткізілген соң қамауға алынды.

Еске сала кетейік, бұған дейін Литвадан 17 жыл бойы іздеуде жүрген, кісі өлтіру және атыс қаруын заңсыз сақтау деректері бойынша айыпталған қазақстандық та экстрадицияланған болатын.