Полицияның мәліметінше, 37 жастағы күдікті өзін несие рәсімдеуге көмектесетін кеңесші ретінде таныстырып, 30-дан астам адамды алдап соққан. Ол азаматтарға «жылдық 8% жеңілдетілген несие алып беремін» деп уәде етіп, құжаттарды тездетіп рәсімдеу үшін алдын ала ақша талап еткен.

Солардың бірі оған шамамен 5 млн теңге аударған. Алайда күдікті ешқандай несие рәсімдемей, қаражатты иемденіп отырған. Қазір ол уақытша ұстау изоляторына қамауға алынды. Тергеу барысында ондаған эпизодқа қатысы бар-жоғы анықталуда.

Құқық қорғау органдары азаматтарды барынша сақ болуға шақырып, несие рәсімдеуді тек ресми банктер мен мемлекеттік органдар арқылы жүргізу қажеттігін ескертеді.