Биыл наурызда 2017 жылдан бері жұмыс істеген «Сергек» жүйесі тоқтатылып, оның орнына жаңа кезең басталды. Мәслихат шешімімен Presight елордаға 10 мың камера және 502 жол бақылау кешенін орнатуы тиіс.

Болжам бойынша айыппұлдың негізгі бөлігі жылдамдықты асырудан жиналады:

• 10–20 км/сағ артық жүру – 931 мың хаттама, шамамен 9,6 млрд теңге;

• 20–40 км/сағ – 311 мың хаттама, 6,4 млрд теңге;

• 40 км/сағ-тан жоғары – 4,5 мың жағдай, 189 млн теңге.

Сонымен қатар қызылға өту, стоп-сызықты басу және автобус жолағымен жүру фактілерінен де миллиондаған теңге өндірілмек.

Салыстырсақ, «Сергек» жүйесі арқылы 2023 жылы елордада 842 мың құқықбұзушылық тіркеліп, 9,7 млрд теңге айыппұл салынған. Соңғы сегіз жылда қала бюджетіне 48 млрд теңгеден астам қаржы түсті.

Көлік қауіпсіздігі жөніндегі сарапшы Нұрсұлтан Жақыповтың айтуынша, жаңа жүйенің мақсаты — айыппұлды көбейту емес, қозғалыс мәдениетін қалыптастыру:

Жоба құны 93,2 млрд теңге, ал тестілеу аяқталған соң жүйе коммуналдық меншікке берілмек.