Қазақстанда доллар қымбаттап жатыр. 4 қыркүйекте Ұлттық банк АҚШ долларын 540,18 теңге деңгейінде белгіледі. Еуро – 628,93 теңге, ал қытай юані – 75,59 теңге болып бекітілді.

Алайда айырбастау пункттерінде көрсеткіш сәл өзгеше. Алматыда, мысалы, долларды 539 теңгеден сатып алып, 542 теңгеден сатып жатыр. Еуро бағасы 627–632 теңге аралығында құбылса, рубль 6,65–6,71 теңге шамасында.

Неге теңге әлсіреп жатыр?

Қаржыгерлер қауымдастығының дерегінше, ұлттық валютаға бірден екі фактор әсер етеді:

• инфляция бойынша теріс мәліметтер,

• мұнай бағасының төмендеуі.

Десе де, теңге терең құлдыраудан сақталған. Бұған Ұлттық банктің шетел валютасын сату көлемін 957 млн-нан 987 млн долларға дейін арттыруы және базалық мөлшерлемені 16,5% деңгейінде сақтау шешімі ықпал етті.