Еске сала кетейік, Қаңтар оқиғасына байланысты Арман Жұмагелдиев, яғни “Дикий Арман”, қылмыстық топ ұйымдастырды, заңсыз қару сақтады, жаппай тәртіпсіздікке қатысты және адам ұрлады деген айыптар бойынша 20 жылға бас бостандығынан айырылған еді. Тергеу бойынша, оның тобы сол күндері 24 адамды күшпен әкетіп, қаладағы қонақ үйлердің тұрақтарында заңсыз ұстаған.

Аталмыш іс бойынша барлығы 44 адам сотталған. Олардың ішінде бұрынғы мәслихат депутаты Қайрат Құдайберген - 8 жылға, ҰҚК-нің бесінші департаментінің экс-басшысы Руслан Искаков - 15 жыл 6 айға жазаға кесілген.

Заңгер Ержан Қалиевтің бағалауынша, апелляцияның үкімді өзгеріссіз қалдыруы - алғашқы сотта ұсынылған айғақтардың жеткіліктілігін көрсетеді. Оның айтуынша, Қаңтар оқиғасына қатысты өзге істер де алдағы уақытта апелляциялық кезеңдерден өтуі мүмкін.