Абай облысы Жарма аудандық соты, 5 жасар баласын тәрбиелеп отырғанын алға тартқан сотталған М.-ның өтінішін қарады. Сот оның түзету мекемесіндегі оң мінездемесін, қарыздарының жоқтығын, бір көтермелеуі мен бір тәртіптік жазасын және жеңілдетілген жағдайларда ұсталатынын ескерген.
ҚР ҚК 74-бабына енгізілген өзгерістерге сәйкес, кәмелетке толмаған балалары бар әйелдер қылмыс ерекше категорияға жатпаса, жазаны кейінге қалдыруға құқылы.
Айта кетсек, 2024 жылдың 21 мамырында Алматы қаласының Әуезов аудандық соты Айканы аса ірі көлемде психотроптық заттарды заңсыз сақтау және тасымалдау, сондай-ақ жезөкшелікпен айналысуға жәрдемдесу және оны ұйымдастыру баптары бойынша кінәлі деп танып, 6 жыл 6 айға бас бостандығынан айыру және мүлкін тәркілеу туралы үкім шығарған.
«Баланың мүддесін және қылмыстың ауырлық дәрежесін ескере отырып, сот жазаның өтелмеген бөлігін екі жылға кейінге қалдыру мүмкін деп санады», — делінген сот қаулысында.
Алдағы екі жыл ішінде Айка тұрғылықты жері бойынша пробациялық бақылауда болады. Елдегі кең резонанс тудырған «Айка тізімі» ісі қазіргі уақытта Ұлттық қауіпсіздік комитетінің бақылауында.
DALAMEDIA admin
8
0