Қайғылы жағдай 2024 жылғы 30 қазанда болған. Әкесінің айтуынша, үш сағатқа жоспарланған наркоз 3,5 сағаттан асып, бала оянбаған. Сондай-ақ дәрігерлер 18 тісті бір процедурада емдеуге шешім қабылдағаны айтылды.
Істе тек анестезиолог жауапқа тартылып отыр, ал стоматолог сот алдында жауап бермеді. Айып ҚР ҚК 317-бабының 3-бөлігі бойынша тағылған.
Сараптама медициналық құжаттарда көптеген қателіктерді анықтады: стоматологиялық карта болмаған, келісім хаттамасы дұрыс толтырылмаған, бейнежазбамен сәйкес келмейтін көрсеткіштер кездескен. Қолданылған кейбір препараттар мүлде тіркелмеген.
Мәліметке сәйкес, анестезиолог қарсы көрсетілімдерге қарамастан наркоз жүргізген: тромбоциттер төмен болған, тексерулер, ЭКГ және мамандардың қарауы жасалмаған. Анестезия кезінде капнография, артериялық қысым және кардиомониторинг жүргізілмеген.
Жағдай нашарлаған сәтте анестетиктің мөлшері қайта арттырылғаны және балаларға арналмаған 0,1 мг адреналин дозасы енгізілгені анықталды.
Жансулу Садыкова
Бүгін, 17:17
Қоғам