Қазақстанда азаматтарға белгілі бір қызметпен айналысуға өмір бойына тыйым салуға қатысты норма қайта қаралуы мүмкін. Бұл мәселені Конституциялық сот азаматтың өтініші негізінде қарайды, -деп хабарлайды «Dalamedia» ақпараттық порталы.
Сот Қылмыстық кодекстің 50-бабының бірінші бөлігінің Конституция талаптарына сәйкестігін тексермек.
Өтініш авторы мемлекеттік қызметте болмаған әрі сыбайлас жемқорлық қылмысына байланысты арнайы лауазымды тұлғалар санатына кірмейтін азаматтарға белгілі бір қызметпен айналысуға өмір бойына тыйым салу мәселесін көтерген.
Оның пікірінше, мұндай шектеу жазаның жасалған құқық бұзушылыққа сәйкестігіне қатысты сұрақ туғызады. Сондай-ақ азаматтың жеке жағдайы ескерілмей, оның еңбек етуіне және мамандығын еркін таңдауына кедергі келтіруі мүмкін.
Конституциялық сот өтінішті қарауға қабылдады. Істің нәтижесі соттың ресми сайтында және Telegram-арнасында жарияланады.
DALAMEDIA admin
7
0