Қазақстандық футболшы Дастан Сәтпаев Англияның «Бернли» клубына бір маусымға жалға берілді. Ол бұған дейін «Қайраттан» «Челсиге» ресми түрде ауысқан болатын, деп хабарлайды «Dalamedia» ақпараттық порталы.

Бұл ақпаратты «Челси» мен «Бернли» клубтары өздерінің әлеуметтік желідегі ресми парақшаларында растады. «Челси» Сәтпаевтың алдағы маусымды «Бернли» сапында өткізетінін хабарлады.

«Бернли» клубы да Қазақстан құрамасының ойыншысы Дастан Сәтпаевтың бір маусымға жалға алынғанын ресми түрде жариялады. Қазіргі таңда ағылшын командасы Чемпионшипте өнер көрсетеді.

Дастан Сәтпаев жаңа командаға ауысуына байланысты әлеуметтік желідегі парақшасында пікір білдірді.

«Бұл тек бастамасы. Жалға бару – менің мықтырақ болуыма көмектесетін жаңа тәжірибе. Бар жақсысы алда. Алға, қазақ елім!» – деп жазды футболшы.