1 тамыздан бастап Қазақстанда азаматтардың күнделікті өміріне қатысты бірқатар жаңашылдық күшіне енеді. Тамыз айында Құрылтай депутаттарының алғашқы сайлауы өтіп, білім гранттары конкурсының қорытындысы жарияланады. Сондай-ақ «Ұмай» ипотекалық бағдарламасына өтінім қабылдау басталады, деп хабарлайды «Dalamedia» ақпараттық порталы.

Бұдан бөлек, туристік гидтердің қызметіне бірыңғай талап енгізіліп, электросамокаттарды пайдалану тәртібі өзгереді. Сондай-ақ киік мүйіздерін өткізуге қатысты жаңа ережелер қолданысқа енгізіледі.

Денсаулық сақтау министрлігі 15 тамызға дейін еліміздегі 69 перзентхананы тексеруді тапсырды. Ал 2026–2027 оқу жылына арналған 1-сыныпқа құжат қабылдау 31 тамызға дейін жалғасады.

Оған қоса, тамыз айында мемлекеттік мерекелер болмайды. Бес күндік жұмыс аптасында қазақстандықтар 10 күн демалады. «Қазгидрометтің» болжамынша, айдың басым бөлігінде елімізде жазға тән жылы ауа райы сақталады.