23 шілдеде кешкі сағат 18:01-де сайлауалды үгіт-насихат кезеңі ресми түрде басталады. Саяси науқан шамамен бір айға созылып, оған жеті саяси партия қатысады, деп хабарлайды «Dalamedia» ақпараттық порталы.

Осы күні саяси партиялардың тізімін ұсыну және оларды Орталық сайлау комиссиясында тіркеу рәсімі толық аяқталады. Осыдан кейін партияларға сайлауалды бағдарламаларын жариялауға, бұқаралық ақпарат құралдарында үгіт материалдарын орналастыруға және сайлаушылармен кездесулер өткізуге мүмкіндік беріледі.

145 депутаттық мандат үшін жеті партиядан барлығы 545 кандидат бақ сынамақ. Олардың қатарында «Әділет» партиясынан – 186, «Respublica» партиясынан – 75, Қазақстан халық партиясынан – 72, «Ауыл» халықтық-демократиялық патриоттық партиясынан – 69, «Ақ жол» Қазақстан демократиялық партиясынан – 63, «Байтақ» жасылдар партиясынан – 47 және Жалпыұлттық социал-демократиялық партиядан 33 кандидат бар.

Үгіт-насихат кезеңі 21 тамызға дейін жалғасады. Ал 22 тамыз – тыныштық күні. Сайлау 23 тамызда өтеді.