2025 жылдың мамыр айында үш жылға бас бостандығынан айырылған бұрынғы Мәдениет және спорт вице-министрі Ерлан Қожағапанов бостандыққа шықты. Бұл туралы Ішкі істер министрлігінің Қылмыстық-атқару жүйесі комитеті мәлімдеді, -деп хабарлайды «Dalamedia» ақпараттық порталы.

Комитеттің мәліметінше, сот қаулысына сәйкес Қожағапановтың өтелмеген бас бостандығынан айыру жазасының қалған бөлігі айыппұл төлеу жазасына ауыстырылған.

Ведомство сондай-ақ жазаны ауыстыру, шартты түрде мерзімінен бұрын босату және сот үкімінің орындалуына қатысты өзге де мәселелерді қарау мен шешу тек соттың құзыретіне жататынын атап өтті.

Еске салайық, Ерлан Қожағапанов пен SUCCESS K агенттігінің бас директоры Ләззат Көккөзова 2018 жылы Петропавлда өткен Қазақстан мен Ресейдің XV өңіраралық ынтымақтастық форумына арналған көрмені ұйымдастыру кезінде 1 миллиард теңгені жымқырды деген айыппен сотқа тартылған болатын.

Тергеу барысында Қожағапановқа Қылмыстық кодекстің 361-бабы, ал Ләззат Көккөзоваға 189-бабы бойынша айып тағылды. Сот бұрынғы вице-министрді қызметтік өкілеттігін теріс пайдаланды деп танып, үш жылға бас бостандығынан айырды. Сонымен қатар оған басшылық қызметтерді атқаруға тыйым салынып, мемлекеттік наградаларынан айыру туралы шешім қабылданды. Қамауда болған уақыты жалпы жаза мерзіміне есептелді