Forbes 2026 жылғы футболдан әлем чемпионатына қатысатын ең жоғары жалақы алатын ойыншылардың тізімін жариялады, — деп хабарлайды «Dalamedia» ақпараттық порталы.
Рейтингтің көш басында Португалия құрамасының шабуылшысы Криштиану Роналду тұр. Оның жылдық табысы 300 миллион долларға жеткен. Осылайша тәжірибелі футболшы қатарынан төртінші жыл әлемдегі ең көп табыс табатын спортшы мәртебесін сақтап қалды. Сонымен қатар Роналду мансап жолында 2 миллиард доллардан астам қаржы тапқан жалғыз белсенді спортшы саналады. Forbes оның байлығын 1,2 миллиард долларға бағалап отыр. Биыл 41 жастағы шабуылшы әлем чемпионатына алтыншы рет қатыспақ.
Екінші орын аргентиналық Лионель Мессиге бұйырды. Оның бір жылдағы табысы 140 миллион долларды құрайды. Месси де алдағы әлем біріншілігінде алтыншы рет бақ сынайды. Егер ол турнир барысында төрт гол соқса, әлем чемпионаттары тарихындағы ең үздік сұрмерген атануы мүмкін.
Үшінші сатыға Франция құрамасының көшбасшысы Килиан Мбаппе жайғасты. Оның табысы 95 миллион доллар деп көрсетілген. Өткен маусымда ол Чемпиондар лигасының үздік мергендерінің бірі атанып, бірқатар халықаралық компаниялармен серіктестік келісімдер жасады.
Forbes нұсқасы бойынша ең көп табыс табатын футболшылардың ондығына мына ойыншылар енді:
- Криштиану Роналду (Португалия) – 300 млн доллар;
- Лионель Месси (Аргентина) – 140 млн доллар;
- Килиан Мбаппе (Франция) – 95 млн доллар;
- Эрлинг Холанд (Норвегия) – 80 млн доллар;
- Винисиус Жуниор (Бразилия) – 60 млн доллар;
- Мохамед Салах (Мысыр) – 55 млн доллар;
- Садио Мане (Сенегал) – 54 млн доллар;
- Джуд Беллингем (Англия) – 44 млн доллар;
- Ламин Ямаль (Испания) – 43 млн доллар;
- Гарри Кейн (Англия) – 41 млн доллар.
DALAMEDIA admin
11
0