Португалия құрамасы мен Сауд Арабиясының «Аль-Наср» клубының шабуылшысы Криштиану Роналду кәсіби мансабындағы кезекті тарихи белесті бағындырды. Футболшы мансабындағы 960-голын соқты.

Сауд Арабиясы Премьер-лигасының 17-турында «Аль-Наср» өз алаңында «Дамак» командасымен кездесті. Ойынның 50-минутында Роналду қарсылас қақпасына дәл соққы жасап, есеп ашты. Бұл гол португалиялық жұлдыздың кәсіби карьерасындағы кезекті нәтижелі соққысы ретінде тіркелді.

Осылайша, Криштиану Роналду 1000 гол межесіне қарай сенімді қадам жасап келеді. Тәжірибелі шабуылшы жасы мен чемпионатына қарамастан, жоғары деңгейдегі нәтижелілігін сақтап отыр.

Айта кетейік, кездесуде «Аль-Наср» 2:1 есебімен жеңіске жетіп, турнир кестесінде екінші орынға көтерілді. Ал чемпионат көшбасшысы мәртебесі әзірге «Әл-Хилал» клубының қолында.