Португалиялық футболшы Cristiano Ronaldo өнер көрсететін Сауд Арабиясының «Әл-Наср» клубы ел чемпионатының жеңімпазы атанды ,-деп хабарлайды «Dalamedia» ақпараттық порталы.

Соңғы, 34-турда «Әл-Наср» өз алаңында «Дамак» командасын 4:1 есебімен жеңді. Ойынның басынан-ақ алаң иелері тізгінді қолға алып, қарсылас қақпасына жиі қауіп төндірді.

34-минутта Садио Мане бұрыштамадан асырылған допты дәл пайдаланып, есеп ашты. Екінші таймда команда басымдығын күшейте түсті. Роналду берген нәтижелі пастан кейін Кингсли Коман мергендік танытты.

Қонақтар пенальтиден бір гол соғып, есеп айырмасын қысқартқанымен, «Әл-Наср» ойынды толық бақылауда ұстады. Артынша Роналду айып добынан көзге түсіп, кейін оң қапталдан келген пасты голға айналдырып, дубль авторы атанды.

Қорытынды есеп – 4:1. Осылайша «Әл-Наср» маусымды Сауд Арабиясы чемпионатының алтынымен аяқтады. Бұл – Криштиану Роналду үшін клуб сапындағы алғашқы ресми чемпиондық титул.