Астанада жеңіл рельсті көлік (LRT) жүйесінің тестілік сынақтары өтіп жатыр. Келесі жылы пойыздар тұрақты түрде іске қосылады. Көпшілікті мазалаған сұрақ - LRT қозғалысының дыбысы қала тыныштығын бұзбай ма?
CTS компаниясының мәліметінше, жоба халықаралық стандарттарға сай жүзеге асырылып, DTVII2-1 жүйесі орнатылған. Бұл технология пойыз қозғалысы кезіндегі шу мен дірілді азайтады.
Шу деңгейі ішкі кеңістікте 75 децибелден, сыртта 80 децибелден аспайды.
Сонымен қатар, вагондарда дыбысты жұтатын материалдар мен екі-үш қабатты терезелер қолданылады - дейді компания.
Пайдалану кезінде рельстер мен доңғалақтар тұрақты техникалық күтімнен өтеді, бұл да шуды азайтуға көмектеседі.
29 қыркүйекте LRT сынақ режимінде іске қосылды. CTS тұрғындарды қауіпсіздік үшін эстакада аумағына кірмеуге шақырды.
Бұған дейін әкім Жеңіс Қасымбек жолақы шамамен 100–200 теңге болатынын айтқан.
Жансулу Садыкова
Бүгін, 17:17
Қоғам