Елорда тұрғындары мен қонақтары үшін қоғамдық көлік қозғалысында уақытша өзгерістер енгізілді. City Transportation Systems (CTS) компаниясының мәліметінше, Мәңгілік Ел даңғылы мен Дінмұхамед Қонаев көшесінің қиылысындағы жөндеу жұмыстарына байланысты 26 автобус бағытының қозғалыс сызбасы түзетілді.

Өзгерістер мына бағыттарға қатысты: №10, 12, 15, 15А, 18, 19, 21, 29, 29А, 30, 32, 35, 40, 46, 47, 50, 51, 54, 55А, 55Б, 56, 60, 61, 70, 121 және 504.

CTS өкілдері бұл түзетулердің уақытша сипатқа ие екенін және көлік қозғалысындағы кептелістерді азайту мен қауіпсіздікті қамтамасыз ету үшін қажет екенін атап өтті.

Жолаушыларға сапарларын алдын ала жоспарлап, ресми арналардағы жаңартуларды қадағалап отыру ұсынылады.