Ресей президенті Владимир Путин Украина басшысы Владимир Зеленскийдің ашық хатына қатысты пікір білдірді, -деп хабарлайды «Dalamedia» ақпараттық порталы.

Санкт-Петербург халықаралық экономикалық форумы аясында өткен пленарлық отырыста Путин қазіргі жағдайда Зеленскиймен кездесу өткізудің маңызын көрмейтінін айтты.

Сондай-ақ Ресей президенті Украина басшысына сайлау өткізіп, елдің негізгі заңы аясында әрекет ету қажет екенін жеткізді.

«Егер билікте заңсыз отырсаң, бұл билікті басып алу болып саналады. Бұл – қылмыс», – деді Путин.

Өз кезегінде Владимир Зеленский Ресей президентінің мәлімдемесіне дереу жауап қатты. Оның айтуынша, Мәскеу соғысты жалғастыру жолын таңдап отыр.

«Өкінішке қарай, Ресей тағы да соғысты таңдады. Бүгін барлығыңыз оның әлсіз жауабын естідіңіздер. Ол соғысты аяқтағысы келмейді. Мұндай ұстаным әлемдегі көптеген адамның көңілін қалдырған шығар», – деді Украина президенті.