Қазақстандық шахматшы Бибісара Асаубаева Ослода өткен беделді Norway Chess 2026 турнирінде жеңімпаз атанды,-деп хабарлайды «Dalamedia» ақпараттық порталы.

Турнирдің тоғызыншы турында Асаубаева жалпы есепте көш бастап тұрған болатын. Чемпиондық атақты ерте иеленуі үшін оған ең жақын қарсыласы, украиналық гроссмейстер Анна Музычуктен кемінде бір ұпай алу қажет еді.

Классикалық партияда қос шахматшы тең түсті. Кейін өткен Армагеддон форматындағы кездесуде Музычук жеңіске жеткенімен, бұл нәтиже жалпы есепке әсер еткен жоқ. Қажетті ұпайын жинаған Бибісара Асаубаева турнирдің мерзімінен бұрын жеңімпазы атанды.

Жеңіс үшін қазақстандық шахматшы 700 мың норвегиялық крон көлемінде жүлде алады. Бұл шамамен 35,5 миллион теңгеге тең.

Айта кетейік, мамыр айында Бибісара Асаубаева Халықаралық шахмат федерациясының (FIDE) жаңартылған әйелдер рейтингінде 7-орынға көтерілген болатын.