Қазақстанның бірінші ракеткасы Елена Рыбакина Германияның Штутгарт қаласында өткен WTA 500 санатындағы турнирде жеңіске жетті, ,-деп хабарлайды «Dalamedia» ақпараттық порталы.

Финалда қазақстандық теннисші чехиялық Каролина Муховамен кездесіп, ойынды сенімді өткізді. Қорытынды есеп – 7:5, 6:1. Осылайша Рыбакина биылғы маусымдағы екінші титулын еншіледі. Бұған дейін ол Australian Open жарысында жеңімпаз атанған болатын.

Бұл жеңіс – оның кәсіби мансабындағы 13-жүлде. Айта кетерлігі, Рыбакина Штутгарттағы турнирде екінші рет топ жарып отыр. Ол мұнда алғаш рет 2024 жылы чемпион болған еді.

Жеңімпаз ретінде теннисшіге 500 рейтингтік ұпай беріліп, 160 мың еуро сыйақы табысталды. Сонымен қатар турнирдің басты сыйлықтарының бірі – Porsche 911 Carrera S автокөлігі де Рыбакинаның еншісіне бұйырды.

Қазір қазақстандық спортшы 2026 жылғы маусымның чемпиондық жарысында көш бастап келеді. Оның қоржынында 25 жеңіс пен 5 жеңіліс бар.