жамбыл облысының талас ауданында қазақстан қарулы күштеріне тиесілі ұшқышсыз ұшу аппараты жоспарлы оқу-жаттығу кезінде төтенше жағдайда жерге қонды, — деп хабарлайды «Dalamedia» ақпараттық порталы.

оқиға 2 маусым күні болған. әуе қорғанысы күштерінің дроны жоспарланған оқу-жаттығу тапсырмасын орындау барысында техникалық ақауға байланысты жерге қонған.

қорғаныс министрлігінің мәліметінше, оқиға салдарынан зардап шеккендер жоқ. сондай-ақ елді мекендерге, тұрғындарға және инфрақұрылым нысандарына ешқандай қауіп төнбеген.

ведомствоның хабарлауынша, ұшқышсыз аппараттың төтенше қонуына техникалық ақау себеп болған. қазіргі уақытта оқиғаның нақты мән-жайын анықтау үшін арнайы комиссия жұмысқа кірісті.

мамандар дрон құлаған аумақты тексеріп, техникалық жағдайын зерттеп жатыр. тергеу қорытындысы бойынша оқиғаның нақты себебі белгілі болады.

айта кетейік, бұған дейін еліміздің батыс өңірлерінде де ұшқышсыз ұшу аппараттарына қатысты бірнеше жағдай тіркелген болатын. сол кезде белгісіз ұшу нысандарына байланысты тексеру жүргізіліп, құзырлы органдар олардың шығу тегі мен мақсатын анықтау жұмыстарын қолға алған еді.